«Қызылорда облысының білім басқармасының

Қызылорда қаласы бойынша білім бөлімінің
«№ 280 жалпы орта білім беретін мектебі» КММ

2026 жылдың 30 сәуір күні №280 орта мектеп базасында «Қазіргі қоғамдағы әлеуметтік педагогтың трансформациясы мен рөлі» тақырыбында қалалық семинар өткізілді. Аталған іс-шараға Қызылорда қаласының жалпы білім беру ұйымдарында қызмет атқаратын әлеуметтік педагогтар қатысып, тәжірибе алмасу, кәсіби шеберлікті жетілдіру және әлеуметтік-педагогикалық қызметтің өзекті мәселелерін талқылау мақсатында бас қосты.

Семинарға арнайы қонақ ретінде Қызылорда қалалық білім бөлімінің әдіскері Амантаев Нұрқанат қатысып, әлеуметтік педагог қызметінің бүгінгі қоғамдағы маңыздылығы мен жауапкершілігіне тоқталды. Өз сөзінде ол қазіргі кезеңде әлеуметтік педагогтардың тек әлеуметтік көмек көрсетуші маман ғана емес, оқушы, ата-ана, мектеп және қоғам арасындағы байланысты үйлестіруші, баланың құқықтары мен қауіпсіздігін қамтамасыз етудегі негізгі тұлғалардың бірі екенін атап өтті.

Семинардың мақсаты – қазіргі қоғам өзгерістеріне байланысты әлеуметтік педагог қызметінің жаңа бағыттарын айқындау, мамандардың кәсіби құзыреттілігін арттыру, өмірлік қиын жағдайдағы балалармен жұмыс жүргізудің тиімді әдіс-тәсілдерін насихаттау және тәжірибе алмасу алаңын қалыптастыру болды.

30.04.2026 күні № 280 орта мектебінде "Қазіргі қоғамдағы әлеуметтік педагогтың рөлі және оның трансформациясы" тақырыбында қалалық семинар өтті.

Семинардың мақсаты – әлеуметтік педагогтың қазіргі қоғамдағы кәсіби рөлін талдау және қызметіндегі заманауи өзгерістерді айқындау.

Іс-шара барысында қалалық білім бөлімінің әдіскері Амантаев Нұрқанат Ақылбайұлы және № 280 орта мектебінің директоры Жанат Шамшатқызы сөз сөйлеп, әлеуметтік педагогтардың білім беру жүйесіндегі маңыздылығын, олардың оқушыларды әлеуметтік қолдау мен тәрбиелеудегі рөлін атап өтті.

Семинар аясында мамандар өз тәжірибелерімен бөлісіп, командалық жұмыс, өмірлік қиын жағдайдағы балалармен жұмыс, сондай-ақ жасанды интеллект мүмкіндіктерін қолдану мәселелерін талқылады.